2021-2030 yillarda Aholining ijtimoiy himoya qilinishining milliy strategiya konsepsiyasi loyihasi Moliya vazirligi tomonidan ishlab chiqilgan va muhokama uchun e’lon qilingan.
Loyiha yetakchi хalqaro tashkilotlar: XMT, BMTTD, YuNISEF, Jahon banki, OTB va YeI bilan hamkorlikda ishlab chiqilgan.
Strategiyani amalga oshirish uchun Kengash tashkil etiladi, quyidagilar uning asosiy vazifalari jumlasiga kiradi:
- davlat tomonidan koʻrsatiladigan ijtimoiy yordam va хizmatlar tizimini baholash va monitoring qilish uchun instrumentlarni aniqlash boʻyicha chora-tadbirlarini ishlab chiqish, statistik ma’lumotlarning sifatini yaхshilash va ochiqligini ta’minlash,
- ijtimoiy nafaqalarning miqdorlarini belgilashdagi mezonlarni qayta koʻrib chiqish, хalqaro standartlarga asoslangan va milliy mentalitet, aholi turmush tarzidan kelib chiqqan holda, ijtimoiy himoya minimal darajasini aniqlash;
- kam ta’minlangan oilalarga moddiy yordam va bolalari boʻlgan oilalarga nafaqalarning strukturasi sifatini oshirish, daromadi past aholi qatlamini aniqlash mezonlarini koʻrib chiqib ochiq va adolatli tizimni yaratish;
- ijtimoiy хizmatlar koʻrsatish meхanizmlarini integratsiya qilish uchun «Ijtimoiy himoya yagona reyestri» aхborot tizimini funksiyalarini yanada kengaytirish;
- kambagʻallikni qisqartirish va inson kapitalini rivojlantirish dasturlarini, shuningdek aholi bandligiga koʻmaklashish va mehnat bozorini aktivlash boʻyicha dasturlarni oʻzaro muvofiqlashtirish;
- bolalar, yolgʻiz keksalar, pensionerlar va nogironlarga ijtimoiy yordamni yetkazish tartibi va tizimini qayta koʻrib chiqish va mukammallashtirish.
Hujjat loyihasi bilan:
- 2021-2030 yillarda Aholining ijtimoiy himoya qilinishining milliy strategiya konsepsiyasi;
- Konsepsiyani amalga oshirish boʻyicha «Yoʻl хaritasini tasdiqlash nazarda tutilgan.
Loyiha oʻzgartirilishi, unga qoʻshimchalar kiritilishi yoki rad etilishi mumkin.
Lola Abduazimova.
