Prezidentning “Yilning eng yaхshi tadbirkori” davlat mukofotini ta’sis etish toʻgʻrisida”gi Farmoni loyihasi muhokamaga qoʻyildi.
Loyihaga muvofiq mukofot Qoraqalpogʻiston Respublikasi, viloyatlar va Toshkent shahrining 5 nafardan vakillariga har yili “Tadbirkorlar kuni” arafasida topshiriladi.
Mukofot biznes va jamiyat hayotida yuqori natijalarga erishib kelayotgan tadbirkorlarga taqdim etilishi nazarda tutilmoqda.
Mukofotga talabgorlar boʻyicha takliflar Prezident huzuridagi Davlat mukofotlari va geraldika boʻyicha Komissiyaga vazirliklar, idoralar, mahalliy davlat hokimiyati organlari, korхonalar, muassasalar va tashkilotlar, jamoat birlashmalari takliflariga koʻra Qoraqalpogʻiston Joʻqorgʻi Kengesi raisi, viloyatlar va Toshkent shahar hokimlarining taqdimnomalari asosida kiritiladi. Komissiya tomonidan koʻrib chiqilgandan keyin takliflar Prezidentga kiritiladi.
Mukofot bilan takdirlangan biznes vakillariga BHMning 100 baravari mikdorida bir marta toʻlanadigan pul mukofoti beriladi.
Loyiha oʻzgartirilishi, unga qoʻshimcha kiritilishi yoki rad etilishi mumkin.
Nargiza Vohidova.
