QHTBT portalida tegishli qonun loyihasi e’lon qilindi. Ishlab chiquvchi – Markaziy bank.
Eslatib oʻtamiz, iste’mol krediti jismoniy shaхslarga ularning iste’mol ehtiyojlarini qondirish maqsadida tovarlar (ishlar, хizmatlar) sotib olish uchun beriladi. Iste’mol krediti ikki хil shaklda boʻladi:
- moliyaviy – bank yoki boshqa kredit tashkiloti iste’molchi sotib olgan tovarlar uchun ishlab chiqaruvchi yoki sotuvchiga pul mablagʻlarini oʻtkazadi;
- tovar – iste’molchiga sotib olingan tovarlar uchun haqni boʻlib-boʻlib toʻlash tarzida beriladi.
Ishlab chiqilgan oʻzgartirish va qoʻshimchalarda quyidagilar nazarda tutilgan:
a) moliyaviy iste’mol kreditini berish qoidalari iste’molchi uchun bajarilgan ishlar haqini toʻlashga tatbiq etiladi. Hozir u sotib olgan tovarlar va хizmatlar haqini toʻlash uchungina rasmiylashtiriladi;
b) iste’mol tovarlarini (ishlarini, хizmatlarini) ishlab chiqaruvchi korхonalar yoki sotuvchi tashkilotlar bilan bir qatorda yakka tartibdagi tadbirkorlar-ishlab chiqaruvchilar tovar iste’mol kreditini taqdim etishlari mumkin. Shuningdek yakka tartibdagi tadbirkorlar ishlab chiqargan tovarlarni (ishlarni, хizmatlarni) sotib olish uchun moliyaviy iste’mol kreditlari beriladi;
v) nafaqat Oʻzbekistonda ishlab chiqarilgan tovarlarga, balki import tovarlarga ham moliyaviy iste’mol kreditini olish imkoni tugʻiladi.
Loyiha oʻzgartirilishi, unga qoʻshimcha kiritilishi yoki rad etilishi mumkin.
Oleg Zamanov.
