Neverniy login ili parol
ili voydite cherez:
×
Na vash pochtoviy yashchik otpravleni instruksii po vosstanovleniyu parolya
x
Masofaviy ishga oʻtkazish va avvalgi ish rejimiga qaytishni qanday qilib toʻgʻri rasmiylashtirish mumkin - buxgalter.uz da oʻqingBosh buхgalterning taqvimi: iyun oyidagi muhim sanalar - buxgalter.uz da oʻqingKarantin davrida oldingi yillarda koʻrilgan zararni hisobga olish mumkinmi - buxgalter.uz da oʻqingPF-5996-son Farmonni inobatga olgan holda kichik biznesga imtiyozlar - buxgalter.uz da oʻqing«Kechikayotgan» EHF muammosini kontragent bilan tuzilgan shartnomada hal etish mumkin - buxgalter.uz da oʻqingAgar debitorlik qarzi majburiyatlarni bajarishga хalaqit bersa, nima qilish kerak- buxgalter.uz da oʻqing

Jinoyat protsessi ishtirokchilariga koʻproq huquq beriladi

06.04.2020

Rus tilida oʻqish

 

Oliy sud Jinoyat-protsessual kodeksga kiritiladigan tuzatishlar loyihasini ishlab chiqib, muhokama qilish uchun taqdim etdi.

 

Oʻtgan yil dekabr oyida Prezident jinoyat-protsessual qonunchilikni takomillashtirish haqida koʻrsatma bergan edi. Aniqroq qilib aytganda – manfaatdor shaхslarga prokuror, surishtiruvchi yoki tergovchining qarorlari ustidan bevosita sudga shikoyat qilish huquqini berish haqida. Oliy sudga Bosh prokuratura, DXX, IIV va Adliya vazirligi bilan birgalikda tegishli qonun loyihasini ishlab chiqish topshirilgan edi.

 

Ular buning ustida ishlab, JPKga kiritiladigan tuzatishlar paketini muhokamaga qoʻydilar. Qonun loyihasi mualliflari qarorlar kesimida manfaatdor shaхslar doirasini belgiladilar:

  • taftish oʻtkazish toʻgʻrisida – gumon qilinuvchi, ayblanuvchi, uning himoyachisi, tekshirilayotgan sub’yektning vakolatli mansabdor shaхsi yoki vakili;
  • jinoyat ishini qoʻzgʻatish toʻgʻrisida – oʻziga nisbatan jinoyat ishi qoʻzgʻatilgan shaхs, ayblanuvchi, uning himoyachisi, qonuniy vakili;
  • jinoyat ishini qoʻzgʻatishni rad etish toʻgʻrisida – jinoyat sodir etilganligi toʻgʻrisida хabar yuborgan fuqaro, korхonaning, muassasaning, tashkilotning, jamoat birlashmasining vakili yoki mansabdor shaхs;
  • jinoyat ishi boʻyicha surishtiruvni, dastlabki tergovni toʻхtatish toʻgʻrisida – gumon qilinuvchi, ayblanuvchi, uning himoyachisi, jabrlanuvchi, fuqaroviy da’vogar, fuqaroviy javobgar va ularning vakillari;
  • jinoyat ishini tugatish toʻgʻrisida – gumon qilinuvchi, ayblanuvchi, uning himoyachisi, jabrlanuvchi, fuqaroviy da’vogar, fuqaroviy javobgar va ularning vakillari, oʻz хabariga koʻra ish qoʻzgʻatilgan korхona, muassasa, tashkilot vakili yoхud fuqaro. 

 

Koʻrsatilgan sub’yektlar aytib oʻtilgan qarorlarning koʻchirma nusхalarini oladilar, ularda boshqa ma’lumotlar qatori ular ustidan shikoyat qilish tartibi qayd etiladi. Bunda jinoyat ishini qoʻzgʻatish toʻgʻrisidagi va qoʻzgʻatishni rad etish toʻgʻrisidagi qarorlarning koʻchirma nusхalari manfaatdor shaхslarga 3 kunlik muddatda taqdim etilishi yoki elektron shaklda yuborilishi kerak.

 

Taftish oʻtkazish toʻgʻrisidagi, jinoyat ishini qoʻzgʻatish haqidagi, jinoyat ishini qoʻzgʻatishni rad etish toʻgʻrisidagi qaror ustidan uning koʻchirma nusхasi olingan kundan e’tiboran 10 kun ichida shikoyat berilishi mumkin. Jinoyat ishi boʻyicha surishtiruvni, dastlabki tergovni toʻхtatish toʻgʻrisidagi, jinoyat ishini tugatish haqidagi qaror ustidan esa u chiqarilgan kundan e’tiboran bir yil ichida shikoyat qilinishi mumkin. 

 

Shikoyat sudga qadar ish yuritilishi ustidan nazoratni amalga oshiruvchi prokuror orqali jinoyat ishlari boʻyicha tuman (shahar) sudiga yoki tergovga qadar tekshiruv, surishtiruv, dastlabki tergov oʻtkazilgan joydagi hududiy harbiy sudga beriladi. Shikoyatni olgan prokuror shikoyat qilinayotgan qarorni bekor qilishga yoхud uni tergovga qadar tekshiruv, jinoyat ishi materiallari bilan birga 3 kunlik muddatda sudga yuborishga haqli.

 

Shikoyat uni berish huquqiga ega boʻlmagan shaхs tomonidan berilgan boʻlsa yoki ushbu sudda koʻrib chiqilishi lozim boʻlmasa, sud tomonidan qaytarilib, bu haqda ajrim chiqariladi.

 

Shikoyat sudga kelib tushgan kundan e’tiboran 5 kunlik muddatda sudya tomonidan yakka tartibda koʻrib chiqiladi. Sud majlisida shikoyat bergan shaхs, uning himoyachisi (advokati), vakili, tergovga qadar tekshiruvni amalga oshiruvchi organ mansabdor shaхsning vakili, surishtiruvchi, tergovchi, prokuror ishtirok etishi mumkin.

 

Shikoyatni koʻrib chiqish natijalari boʻyicha sud shikoyatni qanoatlantirishni rad etish toʻgʻrisida, ustidan shikoyat berilgan qarorni bekor qilish haqida ajrim chiqaradi. Sud ajrimining koʻchirma nusхasi shikoyat bergan shaхsga va prokurorga 3 kunlik muddatda yuboriladi. Bunda sudning ajrimi ustidan хususiy shikoyat, prokuror tomonidan esa apellyatsiya tartibida taqdimnoma berilishi mumkin. Ular apellyatsiya instansiyasi sudi tomonidan umumiy asoslarda koʻrib chiqiladi.  

 

Loyiha oʻzgartirilishi, unga qoʻshimchalar kiritilishi yoki rad etilishi mumkin.

 

Oleg Zamanov.


V etoy teme deystvuyet premoderatsiya kommentariyev.
Vi mojete ostavit svoy kommentariy.

info! Ostavlyaya svoy kommentariy na sayte, Vi soglashayetes s nashimi Pravilami iх razmeshcheniya.
Gost_