Prezidentning “Normativ-huquqiy hujjatlar va ularning loyihalarini korrupsiyaga qarshi ekspertizadan oʻtkazishni yanada takomillashtirish chora-tadbirlari toʻgʻrisida”gi qarori loyihasi muhokamaga qoʻyildi.
Normativ-huquqiy hujjatlarni “korrupsiyadan хoli qonunchilik” tamoyili asosida ishlab chiqish hamda korrupsiyaga qarshi ekspertizadan oʻtkazish tartibini joriy etish quyidagilarni nazarda tutadi:
- amaldagi normativ-huquqiy hujjatlarni toʻliq korrupsiyaga qarshi ekspertizadan oʻtkazish;
- NHHlar va ularning loyihalarini korrupsiyaga qarshi ekspertizadan oʻtkazishda jamoatchilik, ilmiy tashkilotlar va mustaqil ekspertlarni keng jalb qilish;
- normativ hujjat loyihasini ishlab chiqishda ishlab chiquvchi tomonidan korrupsiyaviy omillarni aniqlash boʻyicha savolnoma toʻldirilishi. U mavjud boʻlmagan taqdirda ekspertizadan oʻtkazilmaydi, NHH loyihalari ishlab chiquvchilarga qaytariladi.
Hujjat bilan quyidagilarni tasdiqlash rejalashtirilmoqda:
- 2021-2026 yillarda amaldagi normativ-huquqiy hujjatlarni korrupsiyaga qarshi ekspertizadan oʻtkazish reja-grafigi;
- davlat organlari va tashkilotlarining NHHlar va ular loyihalarining korrupsiyaga qarshi ekspertizasini oʻtkazish faoliyatini baholash mezonlari.
2022 yildan boshlab amaldagi normativ-huquqiy hujjatlarni korrupsiyaga qarshi ekspertizadan oʻtkazish rejasi Vazirlar Mahkamasi qarori bilan tasdiqlanadi.
Loyiha oʻzgartirilishi, unga qoʻshimcha kiritilishi yoki rad etilishi mumkin.
Lola Abduazimova.
.png)
