"Tadbirkorlik sub’yektlari tomonidan savdo yoki хizmat koʻrsatish qoidalarini buzganlik uchun jinoiy javobgarlik ma’muriy yurisdiksiyaga oʻtkazilayotganligi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi qonun loyihasi muhokamaga qoʻyildi.
Loyihaga muvofiq, savdo va хizmat koʻrsatish qoidalarini buzganlik uchun jinoiy javobgarlikni bekor qilish rejalashtirilmoqda.
Shu bilan birga, savdo va хizmat koʻrsatish qoidalarini juda koʻp miqdorda (BHMning 500 baravari) buzganlik uchun ma’muriy javobgarlik oʻrnatish taklif etilmoqda.
Jazo tariqasida quyidagi miqdorlarda jarima belgilash nazarda tutilmoqda:
- fuqarolarga -BHMning 200 baravari;
- mansabdor shaхslarga – BHMning 300 baravari.
Loyiha oʻzgartirilishi, toʻldirilishi yoki rad etilishi mumkin.
Sobir Nurberdiyev.
