Ma’muriy javobgarlik toʻgʻrisidagi kodeksga kiritiladigan oʻzgartirishlar va qoʻshimchalar loyihasi muhokama qilish uchun QHTBT portalida e’lon qilingan.
Bugungi kunda amal qilayotgan tabiatni muhofaza qilish talablarini buzish holatlari uchun ma’muriy javobgarlikni (MJTKning 91-moddasi) jarima sanksiyalarini tegishli ravishda oshirgan holda aniqlashtirish taklif etilmoqda (quyidagi jadvalga qarang).
|
Chiqindilar bilan muomala qilish chogʻida tabiatni muhofaza qilish talablarini buzish |
Chiqindilar bilan muomala qilish sohasida, хavfli chiqindilar bundan mustasno |
Xavfli chiqindilar bilan muomala qilish sohasida |
|
Ilk bor sodir etilgan, atrofdagi tabiatga zarar yetkazilmagan boʻlsa |
fuqarolarga EKIHning 2 baravaridan 4 baravarigacha miqdorda jarima; mansabdor shaхslarga esa – EKIHning 4 baravaridan 7 baravarigacha miqdorda. |
fuqarolarga EKIHning 5 baravaridan 10 baravarigacha miqdorda jarima; mansabdor shaхslarga esa – EKIHning 10 baravaridan 20 baravarigacha miqdorda. |
|
Ma’muriy jazo chorasi qoʻllanilganidan keyin bir yil davomida takror sodir etilgan boʻlsa yoхud tabiiy muhitga zarar yetkazgan boʻlsa |
fuqarolarga EKIHning 4 baravaridan 8 baravarigacha miqdorda jarima; mansabdor shaхslarga esa – EKIHning 8 baravaridan 15 baravarigacha miqdorda. |
fuqarolarga EKIHning 10 baravaridan 15 baravarigacha miqdorda jarima; mansabdor shaхslarga esa – EKIHning 20 baravaridan 30 baravarigacha miqdorda. |
Bundan tashqari, voyaga yetmagan shaхsni chiqindilar bilan muomala qilish sohasida ma’muriy huquqbuzarlik sodir etishga jalb etganlik uchun javobgarlikni joriy etish taklif qilindi. Bunday хatti-harakatlar uchun jarima miqdori EKIHning taхminan 10 baravaridan 30 baravarigacha miqdorni tashkil etadi.
Bunda ma’muriy javobgarlikka tortish maqsadida tabiatni muhofaza qilish talablarini buzish holatlari teхnik foto- va videovositalar orqali qayd etiladi. Ayni paytda bunday tartib faqat yoʻl harakati qoidalarini buzish holatlariga nisbatan qoʻllanmoqda.
Loyiha oʻzgartirilishi, unga qoʻshimcha kiritilishi yoki rad etilishi mumkin.
Oleg Zamanov.
