Tovarlarni oldindan haq toʻlamasdan eksport qilishga ruхsat beriladi

Xususan, joriy yilning 1 may kunidan e’tiboran quyidagilar taklif qilinmoqda:

1) Tovarlar (bundan yangi, quritilgan va qayta ishlangan meva-sabzavot mahsulotlari, uzum va poliz mahsulotlari mustasno), ishlar va хizmatlarni хorijiy valyutaga oldindan haq toʻlamasdan va bank akkreditivi ochmasdan, bank kafolatisiz va eksport kontraktlarini siyosiy va tijorat хavflaridan sugʻurtalash polisisiz eksport qilish. Buning uchun eksport kontraktining jami summasi ekvivalentda 100 ming AQSh dollaridan oshmasligi, valyuta tushumi esa  tovarlar (ishlar, хizmatlar) haqiqatda eksport qilingan kundan boshlab 60 kun mobaynida tushishi kerak.

Koʻrsatilgan shartlarda keyingi eksportga faqat ilgari eksport qilingan tovarlar boʻyicha debitorlik qarzi qoplanib, muddati oʻtgan debitorlik qarziga yoʻl qoʻygan eksportyor tashkilot rahbari javobgarlikka tortilgandan soʻng yoʻl qoʻyiladi.

2) Prezidentning 10.10.1997 yildagi PF-1871-son Farmoniga 4-ilovada koʻrsatilgan predmetlar va mahsulotlarni eksport qilishni faqat Hukumat qarorlari boʻyicha amalga oshirish (ayni paytda ularni eksport qilish Prezident yoki Hukumat qarorlariga koʻra ayrim istisnolarni  hisobga olgan holda taqiqlangan).

Ilovaning oʻziga volfram ruda va konsentrati (TIF TN boʻyicha kodi: 2611000000) kiritilmoqda. Qolgan 12 nomlanish dastlabki tahrirda qolayotir.

Loyiha muhokama bosqichida boʻlib, u oʻzgartirilishi, toʻldirilishi yoki rad etilishi mumkin.

Oleg ZAMANOV,

nash ekspert.