Jismoniy shaхsga Toshkent shahrida 700 kv.m. maydonli yer uchastkasi (2 zona) ajratilgan.
2015 yil uchun yer soligʻi stavkalari Prezidentning 4.12.2014 yildagi PQ-2270-son qaroriga 20-ilovada belgilangan.
2015 yil 1 yanvardan jismoniy shaхslardan olinadigan yer soligʻini hisoblashda belgilangan normativ doirasidagi yer uchastkalari uchun 5 va 6-jadvallarda keltirilgan bazaviy stavkalari boʻyicha, belgilangan normativlardan yuqori yer uchastkalariga esa bazaviy stavkalarga 1,5 koʻpaytiruvchi koeffitsiyent qoʻllaniladi (1.01.2015 yilgacha soliq belgilangan stavkalar boʻyicha, yer uchatskasining maydonidan qat’i nazar koʻpaytiruvchi koeffitsiyentni qoʻllamagan holda toʻlangan).
Yer uchastkalarining normativi Toshkent shahri boʻyicha 0,06 ga miqdorida belgilangan.
2015 yilda Toshkent shahrining 2 zonasida joylashgan uchastkalar boʻyicha yer soligʻi me’yor doirasida (0,06 ga) 1 kv.m. uchun 419,8 soʻm, me’yordan yuqori boʻlsa 1 kv.m. uchun 629,7 soʻm (419,8х1,5) stavka boʻyicha toʻlanadi.
Bir yil uchun soliq summasi 314 850 soʻmni ((419,8 х 600) + (629,7х100)) tashkil qiladi.
Soliq kodeksining 294-moddasiga binoan soliqni toʻlash hisobot yilining 15 oktyabrigacha amalga oshiriladi (1.01.2012 yilgacha yer soligʻini toʻlash teng ulushlarda yilda ikki marotaba amalga oshirilgan: hisobot yilining 15 iyunigacha va 15 dekabrigacha .)
