Президентнинг 27.07.2017 йилдаги ПҚ-3149-сон қарори билан Суд ҳужжатлари ва бошқа органлар ҳужжатларини ижро этишда мол-мулкни реализация қилиш бўйича электрон онлайн-аукционларни ташкил этиш ва ўтказиш тартиби тўғрисидаги низом тасдиқланди.
Эслатиб ўтамиз, жорий йилнинг 1 сентябридан суд ҳужжатлари ва бошқа органлар ҳужжатларини ижро этишда мол-мулкни сотиш бўйича аукцион савдолари «E-IJRO AUKSION ягона электрон савдо майдони орқали фақат электрон онлайн-ким ошди савдолари шаклида ўтказилади. Бу ҳақда батафсил – бу ерда.
|
Бу муҳим!
Онлайн-аукционда иштирок этишга ҳақли бўлмаган шахслар:
Маълумот учун: доимий Тошкент пропискасига эга бўлмаган Ўзбекистоннинг бошқа вилоятлик фуқаролари, чет эл фуқаролари ва фуқаролиги бўлмаган шахсларга пойтахт ва пойтахт вилоятида янги қурилган уй-жойдан муайян шартларда кўчмас мол-мулк сотиб олишга рухсат берилган. |
Мол-мулк электрон онлайн-аукционга қўйилишидан олдин қарздор ва ундирувчи ўтказилган баҳолаш ҳақида белгиланган тартибда хабардор қилиниши ҳамда уларга баҳолаш натижалари юзасидан шикоят қилиш учун 10 кун берилади. Давлат даромадига ўтказиш тўғрисидаги ижро ҳужжатлари бўйича сотилаётган мол-мулк бундан мустасно.
Онлайн-аукционда иштирок этишга буюртмалар хабарнома жойлаштирилган кундан бошлаб операторнинг порталида автоматик тарзда қабул қилинади ва электрон онлайн-аукционни ўтказиш кунидан олдинги кун соат 9-00 да якунланади.
Буюртма ЭРИ билан имзоланади. Унга закалат пули тўланганлигини тасдиқловчи тўлов ҳужжатнинг электрон (сканер қилинган) нусхаси илова қилинади. Унинг миқдори мол-мулк баҳоланган қийматининг 5%ини ташкил этади ва операторнинг банк ҳисобварағига ўтказилади.
Онлайн-аукцион унда иштирок этишга қўйилган 2 ёки ундан ортиқ иштирокчи мавжуд бўлган тақдирда иш куни давомида соат 9-00 дан 18-00 га қадар ўтказилади.
Бошланғич нарх — аукцион объектининг баҳоланган қиймати. Аукцион бошланғич нархни ошириб бориш услубида ўтказилади. Аукцион қадами:
- биринчи 4 қадамда — аукцион объекти баҳоланган қийматининг 5%и миқдорида;
- 5- ва ундан кейинги қадамларда — аукцион объекти баҳоланган қийматининг 3%и миқдорида белгиланади.
ЭКИҲнинг 2000 бараваридан юқори бўлган мол-мулк реализация қилинган тақдирда, аукцион қадами объект баҳоланган қийматининг 2%и миқдорида белгиланади.
Муайян ҳолатларда онлайн-аукцион ўтказилмаган деб топилиши мумкин. (қуйидаги жадвалга қаранг).
|
Онлайн-аукцион ўтказилмаган деб топилиши шартлари
|
Оқибатлари |
|
онлайн-аукционда иштирок этиш учун биронта аукцион иштирокчиси қўйилмаган бўлса, шу жумладан, унда иштирок этиш учун биронта ариза келиб тушмаган бўлса |
мол-мулк такрорий аукционга қўйилади (12 иш кунидан кечиктирмасдан ўтказилади; бошланғич нарх объектнинг баҳолаш қийматига тенг, энг паст нарх – унинг 80%и; бошланғич нархни тушириб бориш услубида ўтказилади,аукцион қадами – 2%) |
|
аукционда иштирок этишга фақат бир нафар иштирокчи қўйилган бўлиб, у аукцион баҳоланган объектини оператордан тегишли таклифни олган пайтдан эътиборан 5 кун ичида сотиб олишдан бош тортган бўлса;
|
|
|
аукцион иштирокчиларидан ҳеч қайси бири мол-мулкни аукцион жараёнидан таклиф этилган нархда сотиб олиш истагини билдирмаса
|
|
|
агар аукцион натижалари ҳақидаги баённома расмийлаштирилгунга қадар операторга аукцион ғолиби аукционда иштирок этиши тақиқланган шахсларга мансублиги маълум бўлиб қолса
|
мол-мулк қайтадан аукционга қўйилади (умумий тартибда ўтказилади) |
|
мол-мулкни сотиб олиш таклиф этилган аукцион ғолиби ва охиридан олдинги таклифни тасдиқлаган иштирокчи томонидан мол-мулк баҳоси белгиланган муддатда тўлиқ тўланмаса
|
Аукцион натижалари баённомада акс эттирилади. Ғолиб онлайн-аукцион якунланган кундан бошлаб 5 иш кунидан кечиктирмай мол-мулкнинг қийматини тўлиқ тўлаши ва тўлов ҳужжатининг электрон (сканер қилинган) нусхасини операторга жўнатиши лозим. Ушбу лот бўйича тўланган закалат пули мол-мулкнинг қийматига қўшиб ҳисобланади.
Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин.
Олег Заманов,
экспертимиз.
