Бу Президентнинг 2019 йил 28 декабрдаги ПФ-5897-сон Фармонида назарда тутилган.
Эслатиб ўтамиз, 2019 йил 18 мартдаги «Бирлашган Араб Амирликлари фуқаролари учун Ўзбекистон Республикасига кириш режимини янада соддалаштириш чора-тадбирлари тўғрисида»ги ПФ-5691-сон Фармон билан 2019 йил 20 мартдан бошлаб БАА фуқаролари учун мамлакатимиз ҳудудига кирган кундан эътиборан 30 кун муддатга визасиз режим жорий этилган.
Қабул қилинган ҳужжатда 2020 йил 1 январдан бошлаб Бирлашган Араб Амирликлари резиденти мақомини олган хорижий давлатлар фуқаролари учун 30 кун муддатга визасиз режим тақдим этилиши белгиланган.
Ушбу мақомни олган шахслар Ўзбекистон Республикасига кириш вақтида амал қилиш муддати 90 кундан кам бўлмаган резидентлик визасининг асл нусхасини тақдим этадилар.
Ҳужжат Қонун ҳужжатлари маълумотлари миллий базасида эълон қилинган ва 28.12.2019 йилдан кучга кирди.
