Вазирлар Маҳкамасининг 15.08.2023 йилдаги 387-сон қарори билан Аудиторлик ташкилотини Аудиторлик ташкилотларининг реестрига киритиш бўйича давлат хизматларини кўрсатишнинг маъмурий регламенти тасдиқланди.
Регламентга асосан аудиторлик ташкилотини реестрга киритиш тўғрисидаги ариза бериш давлат хизматлари марказларида ёки Ягона интерактив давлат хизматлари портали орқали амалга оширилади.
Юридик шахсларни аудиторлик ташкилоти сифатида қайта рўйхатдан ўтказишда бу ҳақдаги ариза ва уларни реестрга киритиш учун ариза бирлаштирилади ва ваколатли органга юборилади.
Аудиторлик ташкилотини реестрга киритиш бўйича давлат хизмати бепул кўрсатилади.
Ҳужжат Қонун ҳужжатлари маълумотлари миллий базасида эълон қилинган ва 17.08.2023 йилдан кучга кирди.
Лола Абдуазимова