18.04.2017 йилдаги ЎРҚ–429-сон “Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги Қонун “Халқ сўзи” газетасида эълон қилинди.
«Чет эл инвестициялари тўғрисида»ги Қонунга киритилган қўшимчаларга биноан чет эл инвестициялари иштирокидаги янгидан ташкил этиладиган ишлаб чиқариш корхоналари ўзлари давлат рўйхатидан ўтказилган санада амалда бўлган солиқлар ва бошқа мажбурий тўловлар ставкаларини давлат рўйхатидан ўтказилган пайтдан эътиборан 5 йил ичида қўллашга ҳақлидир.
Бироқ мазкур ҳуқуқ қуйидагиларга татбиқ этилмайди:
- божхона тўловлари;
- сув ресурсларидан фойдаланганлик учун солиқ;
- ер солиғи;
- ер қаъридан фойдаланувчилар учун солиқлар ва махсус тўловлар.
Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин.
Олег ЗАМАНОВ,
экспертимиз.
