Президентнинг 13.07.2016 йилдаги ПҚ-2559-сон қарори билан «Ўзбекэнерго» АЖ тизимида Фанлар академиясининг тугатилаётган Энергетика ва автоматика институти негизида МЧЖ шаклидаги Илмий-техника марказини ташкил этиш тўғрисида қарор қабул қилинди.
- www.norma.uz
- Қонунчиликдаги янгиликлар
- Илмий-техника маркази ташкил этилади
Илмий-техника маркази ташкил этилади
01.08.2016
Ҳужжатда Марказнинг асосий вазифалари белгиланди. Булар электр энергетикани ривожлантиришнинг долзарб илмий-технологик вазифаларини ҳал этишга йўналтирилган ишланмалар ва амалий илмий-тадқиқотларни олиб бориш, республикада электр энергетикани янада барқарор ривожлантириш стратегиясини ишлаб чиқиш ва бошқалар.
Марказнинг тузилмаси, «Ўзбекэнерго» АЖнинг янгиланган ташкилий тузилмаси ва унинг ижро этувчи аппаратининг янгиланган тузилмаси тасдиқланди.
«Ўзбекэнерго» АЖнинг Илмий-техника маркази Фанлар академиясининг тугатилаётган Энергетика ва автоматика институтининг амалдаги шартномалари ва контрактлари бўйича ҳуқуқий вориси ҳисобланади, меҳнат шартномалари бундан мустасно.
Институтнинг илмий-техникавий лойиҳалари, конструктор-технологик ишланмалари, ускуналари ва бошқа мол-мулкининг талаб мавжудлигини ва сақлаб қолиш мақсадга мувофиқлигини аниқлаш учун уларни тўлиқ инвентаризациядан ўтказиш режалаштирилди.
Меҳнат вазирлигига Олий ва ўрта махсус таълим вазирлиги билан биргаликда тугатилаётган институтнинг бўшатилаётган ходимларини белгиланган тартибда ишга жойлаштириш чораларини кўриш топширилди. Шунингдек тугатилаётган институт илмий ва муҳандис ходимларини аттестациядан ўтказиш бўйича комиссия тузилади, кейинчалик малакали мутахассислар Марказга ишга қабул қилинади.
Мазкур ҳужжатнинг матни билан, у билан боғланган бошқа қонун ҳужжатларига шарҳлар ва изоҳлар билан «Ўзбекистон Республикаси қонунчилиги» ахборот-қидирув тизимида танишиш мумкин.
«Ўзбекистон Республикаси қонунчилигида янги» шарҳини
эксперт-юристимиз
Елена ЕРМОХИНА
тайёрлади.
Читайте в свежих номерах
- При землетрясениях в новостройках будет автоматически блокироваться подача газа и электричества
- Предоставлять отпуск обязательно
- «О внесении дополнений в Налоговый кодекс Республики Узбекистан в связи с определением мер, направленных на установление взаимовыгодного сотрудничества с субъектами предпринимательства по сокращению бедности» (в извлечениях)
- Как привлекать к работе в выходные и праздничные дни
- В Ташкенте проведут V Параазиатские игры