Давлат рақобат қўмитаси ҳузуридаги Қимматли қоғозлар бозорининг фаолиятини мувофиқлаштириш ва назорат қилиш марказининг буйруғи (Адлия вазирлиги томонидан 9.02.2016 йилда 1125-2-сон билан рўйхатдан ўтказилган) билан Ҳужжатли қимматбаҳо қоғозларни йўқ қилиш бўйича йўриқномага ўзгартириш ва қўшимчалар киритилди.
Эмиссиявий қимматли қоғозлар чиқарилишларининг ягона давлат реестридан чиқарилган ва Ҳужжатли қимматли қоғозлар марказий депозитарийсида сақланаётган тугатилган эмитентларнинг қимматли қоғозлар чиқаришлари Марказий депозитарий ва қимматли қоғозлар бозорини тартибга солиш бўйича ваколатли давлат органи вакиллари таркибидаги комиссия томонидан йўқ қилинади.
Эндиликда йўқ қилиш далолатномаси қуйидагиларни ўз ичига олиши керак:
- эгасининг Ф.И.О. (номи) кўрсатилган ҳолда ҳар бир йўқ қилинган эгасининг номи ёзилган қимматли қоғознинг серияси ва бланкаси рақами;
- чиқарилиши ҳужжатли шаклдан ҳужжатсиз шаклга ўзгартирилган қимматли қоғозлар бўйича депо счётлари рақамлари.
Ҳужжат бошқа қатор ўзгартиришларни сақлайди.
Мазкур ҳужжатнинг матни билан, у билан боғланган бошқа қонун ҳужжатларига шарҳлар ва изоҳлар билан «Ўзбекистон Республикаси қонунчилиги» ахборот-қидирув тизимида танишиш мумкин.
«Ўзбекистон Республикаси қонунчилигида янги» шарҳини
эксперт-юристимиз
Елена ЕРМОХИНА
тайёрлади.
