Президент томонидан 12.07.2023 йилдаги “Хива – 2024 йилда Ислом дунёсининг туризм пойтахти” халқаро тадбирига тайёргарлик кўриш ва уни ўтказиш чора-тадбирлари тўғрисида”ги Фармон имзоланди. Ҳужжат ЎзАда эълон қилинган.
Маълумот учун: Ислом ҳамкорлик ташкилотига аъзо давлатлар туризм вазирларининг XI сессиясида Хива шаҳри 2024 йилда “Ислом дунёсининг туризм пойтахти” деб эълон қилинган.
2024 йилда Хивада:
- март ойида “Хива – 2024 йилда ислом дунёсининг туризм пойтахти” шиори остида Хива шаҳрида халқаро тадбирнинг расмий очилиш маросими;
- май ойида Хива шаҳрида Ислом ҳамкорлик ташкилотига аъзо давлатлар туризм вазирларининг XII сессияси ўтказилади
2023-2024 йилда шунингдек қуйидаги тадбирлар ўтказилади:
- “Taste of Uzbekistan Festival” шиори остида гастрономик фестиваль;
- Паҳлавон Маҳмуд хотирасига бағишланган “Strongmen” халқаро баҳодирлар ўйини мусобақаси;
- “Халқаро зиёрат туризми ҳафталиги” доирасидаги тадбирлар.
Ҳужжат билан ташкилий қўмита таркиби ва тадбирга тайёргарлик кўриш ва уни ўтказиш бўйича чора-тадбирлар режаси тасдиқланмоқда.
Собир Нурбердиев.