«Сувсоз» ДУК сайтида ичимлик сув таъминоти ва оқова сув чиқариш хизматлари учун янги тарифлар эълон қилинди. 2018 йил 1 майдан бошлаб ҳисоб-китоблар янги нархлар бўйича амалга оширилади.
Тошкент шаҳар ҳокимлиги Молия бош бошқармаси томонидан тасдиқланган декларация асосида (реестр рақами 09-ТГ-2018 йил) 2018 йил 1 майдан бошлаб қуйидаги тарифлар жорий этилади:
- сув таъминоти –1 м3 учун 245 сўм, ҚҚСсиз.
- оқова сув чиқариш – 1 м3 учун 210 сўм, ҚҚСсиз.
Шунингдек, «Сувсоз» ДУК Тошкент шаҳар ҳокимининг 2018 йил 12 январдаги 69-сон қарорига асосан пойтахтимиз истеъмолчилари учун ичимлик сув таъминоти хизматлари тарифларига 1м3 учун 100 сўм миқдорида махсус устама ҳақ жорий этилганини эслатиб ўтади.
Таъкидлаш жоизки, совуқ сув ва оқова сув чиқариш учун тарифлар илгари 2018 йил 14 февралда оширилган эди.
