Адлия вазирлиги Халқаро оила куни муносабати билан, 15 май куни «Оилаларга ҳуқуқий ёрдам» онлайн-акциясини ўтказади.
Хоҳловчилар оилавий муносабатларга оид исталган саволни http://cc.uz/16101 манзилига йўллаб, бепул ҳуқуқий маслаҳат олишлари мумкин.
Саволларга жавоблар 2019 йил 15 май куни соат 10.00 дан 20.00 гача мурожаат қилувчининг хоҳишига кўра электрон почта ёки Телеграм-мессенжер рақамига йўлланади.
15 май куни соат 15.00 да адлия вазирининг ўринбосари Акбар Тошқулов «Адлия билан мулоқот/Диалог с юстицией» саҳифаси орқали умумлаштирилган ва классификацияланган саволлар юзасидан онлайн-маслаҳат беради.
Ҳавола орқали ўтиб, акция регламенти ва саволларни йўллаш тартиби билан танишиб чиқишингиз мумкин.
