«Auditreyting» МЧЖ республика аудиторлик ташкилотларининг 2017 йилги фаолияти натижаларини таҳлил қилди.
Рейтингда уларнинг ҳар йилги мажбурий иштироки Ўзбекистон Республикаси аудиторлик ташкилотлари фаолиятига рейтинг баҳосини бериш бўйича низомда (Аудиторлар палатаси ҳамда Бухгалтерлар ва аудиторлар миллий уюшмаси томонидан 18.04.2008 йилда 23, 99а-сон билан тасдиқланган) назарда тутилган.
Аудиторлик ташкилотларининг йил якунлари бўйича ҳар йилги рейтинги лицензия турига боғлиқ ҳолда гуруҳлар бўйича ўтказилади:
- барча хўжалик юритувчи субъектларнинг текширувларини амалга оширадиган аудиторлик ташкилотлари (1-гуруҳ);
- халқаро аудиторлик ташкилотлари (1М-гуруҳ);
- хўжалик юритувчи субъектларнинг, бундан акциядорлик жамиятлари, банклар ва суғурта ташкилотлари мустасно, ташаббус тарзидаги ва мажбурий текширувларини амалга оширадиган аудиторлик ташкилотлари (2-гуруҳ);
- фақат ташаббус тарзидаги текширувларни амалга оширадиган аудиторлик ташкилотлари (3-гуруҳ).
Аудиторлик ташкилотларини таснифлаш Аудиторлик ташкилотлари тўғрисида низом (4.04.2007 йилдаги ПҚ-615-сон қарор билан тасдиқланган) 2-бандидан келиб чиқиб, амалга оширилади.
Рейтингни тузишда фаолиятнинг молиявий кўрсаткичлари, ишбилармонлик борасидаги фаоллик, корпоратив салоҳият каби омиллар биргаликда баҳоланади.
Таҳририят навбатдаги рейтинг якунларини олди ва ўқувчиларга бу ерда улар билан танишиб чиқишни таклиф қилади.
