Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Новое на buxgalter.uz:Облагаются ли налогом на прибыль доначисленные суммы НДС Как уплатить земельный налог и сдать отчетность Почему нельзя исправлять ошибки в чеке онлайн-ККМ, пробивая «чек возврата» Автоприменение льгот по НДС: что делать уплачивающим налог ежеквартально Акт сверки по таможенным платежам можно получить через мобильное приложение Как перевести данные сотрудников с филиалов в состав организации с единым ИНН

Аутсорсинг компаниясини танлашда нималарни инобатга олиш лозим

16.09.2020

Читать на русском языке

Бухгалтерияни аутсорсингга топшириб, ҳисоб ва ҳисобот ҳақида бошқа қайғурмаслик фикри ҳар қандай раҳбарнинг хаёлига бир марта бўлса ҳам келган бўлса керак. Ўз кадрларини ўқитишга ва ўқиган, таълим олиш жараёнида бошқа ишга кетиш ҳақида ўйлаб қолганларни ушлаб қолишга уриниш керак эмас. Қонун ҳужжатларига қандайдир ўзгартиришлар киритилса ёки улар тўлақонли тартибга солинмаган бўлса, бундан хавотирга тушмайсиз. Аутсорсер компания ҳар қандай ҳолатда ҳамма ишни маромида бажаришни зиммасига олади, ҳисоб юритиш ва солиқларга оид барча қоидалар ва талабларни билиш – унинг вазифаси. Бошқа томондан, бу унчалик осон иш эмас…

 

Бухгалтерия компанияси мижози пул тўлаб муаммо сотиб олмаслиги учун аутсорсинг ҳақида нималарни билиши керак? Қай бири қимматга тушади – аутсорсинг хизматларими ёки штатдаги малакали бухгалтерми? Умуман, бу ҳақда ўйлаш ўринлими? Барибир унга мурожаат қилишга қарор қилган бўлсангиз, уни қандай танлаш лозим?


«Норма» МЧЖ тажрибаси

 

– «Муайян функцияларнинг бир қисмини аутсорсинг шартларида чет ташкилотга топширишга тайёрмисиз» деган саволни ўзимизга бериб кўрдик. «Норма» кадрлар агентликлари билан аутсорсинг шартларида ишлашга бир неча бор уриниб кўрган. Бироқ, афсуски, уларнинг иш сифати қаноатлантирмай, охир-оқибат кадрларга оид масалаларни мустақил равишда ҳал қилишга тўғри келган. 

 

Сифатли хизматларни етказиб берувчини танлаш жуда мушкул. Бу бухгалтерия ҳисобига оид хизматларга ҳам тааллуқли. Бозорда бухгалтерия хизматларини кўрсатувчи фирмалар талайгина. Тўғри, улар орасида юқори савияли ва малакали компаниялар бор. Ҳаммаси ҳам шундай эмас – муаммо ана шунда.

 

Бу компанияда кимлар ишлашига қаранг. Уларнинг сертификатлари борми? Компания ходимларни ўқитишга қанча ҳажмда ва қандай мунтазамлик билан маблағ сарфлайди? Унинг мижозлари кимлар? У бозорда қанчадан буён фаолият юритмоқда? Уни кимлар ташкил этган? Унинг муассислари кимлар, тажрибалари борми? Энг муҳими: фирма қанчалик арзон хизматларни таклиф этса, хавфсизлигингиз учун таҳдид шунча ошади.

 

Аутсорсер демпинг қилса, демак, ўз ходимларига кам ҳақ тўлайди. Ходимлари бундай шароитда ишлаётган бўлсалар, унча малакали эмас эканлар.

 

Хуллас, корхонага қай бири қимматга тушади – аутсорсинг хизматларими ёки штатдаги малакали бухгалтерми? Аутсорсерлар билан ишлаётганда қандай қилиб хавфдан сақланиш мумкин?

 

Buxgalter.uz да батафсил ўқинг.

 

 

В этой теме действует премодерация комментариев.
Вы можете оставить свой комментарий.

info! Оставляя свой комментарий на сайте, Вы соглашаетесь с нашими Правилами их размещения.
Гость_