Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
1Uz поможет бухгалтерам перейти на «удаленку» - читать на buxgalter.uzЧто нужно сделать бухгалтеру в апреле – читать на buxgalter.uzКак выжить работодателю в условиях пандемии – читать на buxgalter.uz Как перевести работника на дистанционную работу – читать на buxgalter.uzЧто применить: льготу по инвестициям или инвестиционный вычет? - читать на buxgalter.uzКак выполнить договорные обязательства в период карантина – читать на buxgalter.uz Как организовать удаленную работу бухгалтерии в 1С – читать на buxgalter.uzКак перевести работников на неполное рабочее время – читать на buxgalter.uzМожно ли отправить в неоплачиваемый отпуск без согласия – читать на buxgalter.uzПамятка для работающих в офисах – читать на buxgalter.uz
  • www.norma.uz
  • Бизнинг шарҳлар
  • Айрим маҳсулотларни Ўзбекистон орқали транзит қилишни соддалаштириш режалаштирилмоқда

Айрим маҳсулотларни Ўзбекистон орқали транзит қилишни соддалаштириш режалаштирилмоқда

08.02.2018

 

Ташқи савдо вазирлиги томонидан мамлакатимиз ҳудуди орқали транзит қилишда таомилларни соддалаштириш, ишончли транспорт транзит йўлакларини шакллантириш ва транзит ташиш оқимларини оширишга қаратилган Президент қарори лойиҳаси ишлаб чиқилди.

 

Лойиҳа билан қуйидагилар тўғрисидаги талабларни бекор қилиш таклиф қилинаётир:

  • мамлакатимиз божхона ҳудуди орқали алкоголли ва тамаки маҳсулотларини автомобиль ва темир йўл транспортида транзит қилишда Вазирлар Маҳкамасининг рухсатномасини олиш;
  • маҳсулотларни давлатимиз ҳудудидан ташқарига олиб чиқиш факти тасдиқлангандан кейин киритилган суммани қайтарган ҳолда ташувчи томонидан Ўзбекистон божхона органлари депозит ҳисобварағига тегишли божхона тўловлари (божхона божи, акциз солиғи, ҚҚС) пул таъминотининг барча суммасини киритиш.

 

Мазкур тартиб Президентнинг 4.10.2007 йилдаги ПҚ-703-сон “Акциз солиғига тортиладиган айрим турдаги товарларнинг Ўзбекистон Республикаси ҳудуди орқали транзит йўли билан олиб ўтилишини янада тартибга солиш чора-тадбирлари тўғрисида”ги қарори билан жорий этилган. ТСВ хабарида қайд этилишича, юқорида кўрсатилган ҳужжат қабул қилинган пайтдан бошлаб 2007 йилдан эътиборан алкоголли ва тамаки маҳсулотларини Ўзбекистон орқали транзит қилиш деярли амалга оширилмаган.

 

Кутилишича, тартибни бекор қилиш транзит қилиш таомилини сезиларли даражада соддалаштиради ва транспорт ташиш ҳажмларини янада оширишга туртки беради.