Молия вазирлиги 1 июндан бошлаб табиий газ ва электр энергияси нархининг оширилиши тўхтатилиб турилишини эълон қилди, дея хабар беради ЎзА.
“Ҳозирча нархлар ошмайди, жараён тўхтатилиб турибди, сабаблари тез орада маълум қилинади” дейилади хабарда.
Эслатиб ўтамиз, 2019 йилнинг 1 июнидан бошлаб табиий ва суюлтирилган газ ҳамда электр энергияси учун тарифларни ошириш Вазирлар Маҳкамасининг 2018 йил 1 ноябрдаги 897-сон қарорида назарда тутилган эди.
Мазкур ахборот “Ҳудудий электр тармоқлари” АЖ матбуот хизмати томонидан ҳам ўзининг Телеграм-канали орқали тарқатилди.
