Интерактив давлат хизматлари ягона портали (ИДХЯП)да Ер ресурслари, геодезия, картография ва давлат кадастри давлат қўмитаси томонидан хизмат амалга оширилди.
Юридик ва жисмоний шахслар энди сўровда кўрсатилган номда уй-жой борлиги ёки йўқлиги тўғрисида маълумотнома олиш учун Ягона портал орқали ариза юборишлари мумкин. Хизматдан фойдаланиш учун мурожаат қилувчининг паспорт маълумотлари ҳамда СТИРни кўрсатган ҳолда маълумотномани олиш учун аризани электрон шаклда тўлдириш лозим. Давлат портали орқали келиб тушган ариза 3 иш куни мобайнида қайта ишланади. Хизмат бепул.
