Иқтисодиёт вазирлиги жорий йилнинг иккинчи чорагида ўзлаштириш ва етказиб беришга тавсия этилган 40 мингдан зиёд номдаги маҳсулотлар рўйхатини эълон қилди.
Рўйхат вазирликлар, идоралар, хўжалик бирлашмалари ва корхоналар таклифлари асосида тузилган.
Иқтисодиёт вазирлиги хабарида қайд қилинишича, рўйхатга киритилган маҳсулотлар иқтисодиёт тармоқларида юқори талабга эга бўлиб, нарх ва техник параметрлар мувофиқ келган тақдирда уларни ишлаб чиқарувчи корхоналар билан 2017 йилнинг II ярим йиллигида харид қилиш учун шартномалар тузилиши мумкин.
Рўйхатга кирувчи товар позицияларини ўзлаштириш ва етказиб бериш бўйича буюртмаларга эга бўлиш учун буюртманомани тўлдириш ва уни Вазирликка жўнатиш зарур. Келиб тушган таклифлар тегишли истеъмолчи-ташкилотларга кўриб чиқиш ва шартномалар тузиш учун тақдим этилади.