Республика махсус комиссияси чекловчи тадбирларни 2020 йилнинг 10 майига қадар узайтирди.
Мамлакатимиз ҳудудида қабул қилинган коронавирусга қарши комплекс чора-тадбирлар ва энг асосийси масъулиятни чуқур ҳис қилган аҳоли томонидан ўзини яккалаш ҳаёт тарзига ўтганлиги ва "ижтимоий масофаланиш" тамойилига амал қилиши инфекция тарқалишини назоратда ушлаб туриш имконини берди.
Амалга оширилаётган карантин тадбирларининг натижадорлиги сақлаб қолинишини таъминлаш мақсадида Республика махсус комиссиясининг 2020 йил 20 апрелгача киритилган чекловчи тадбирлари (карантин) ҳамда коронавирус инфекцияси таркалишига карши кучайтирилган тартиб 2020 йилнинг 10 майига қадар узайтирилади.
