“Ўзбекистон ҳаво йўллари” миллий авиакомпанияси (МАК) халқаро йўналишларга авиачипталарни Интернет орқали брон қилиш ва сотиб олиш имконияти йўлга қўйилганлигини эълон қилди. Муқаддам миллий авиаташувчи бундай хизматни фақат маҳаллий йўналишдаги чипталар учун жорий этган эди.
- www.norma.uz
- Бизнинг шарҳлар
- МАК қатновларига халқаро авиачипталарни энди интернет орқали харид қилиш мумкин
МАК қатновларига халқаро авиачипталарни энди интернет орқали харид қилиш мумкин
19.10.2016
Буюртмани расмийлаштириш тартиботи оддий ва осон. Ундан фойдаланиш учун йўловчи авиакомпания сайтидаги махсус шаклни тўлдириши лозим. Хизмат амалдаги авиачипталарни сотиш қоидаларига мувофиқ тақдим этилади ва тўлов UzCard пластик картаси воситасида амалга оширилади.
Интернет орқали авиачипталарни брон ва харид қилганда ариза берувчининг электрон почта манзилига ва мобил телефон рақамига саёҳат тўғрисида батафсил маълумотлар битилган электрон чиптанинг йўналиш распечаткаси ҳамда чипта харид қилинганлиги ҳақидаги SMS-хабарнома юборилади.
Аэропортда рейсга рўйхатдан ўтаётганда электрон авиачиптанинг распечаткаси ҳамда шахсни тасдиқловчи ҳужжат (паспорт)ни кўрсатиш етарли бўлади.
Авиачиптани рейс учиб кетишидан камида 3 соат олдин Интернет орқали брон ва харид қилиш мумкин. Янги хизмат ҳақидаги батафсил маълумотни 140-02-00 рақамига қўнғироқ қилиб олишингиз мумкин.
Компанияда аниқлик киритишларича, UzCard воситасида тўловни амалга ошириш имконияти фақат чипталари сўмда тарифланадиган халқаро рейсларга нисбатан қўлланилади. Мазкур хизматдан фойдаланган ҳолда Россия йўналиши бўйича чипталар сотиб олишнинг ҳозирча ИМКОНИЯТИ ЙЎҚ.
Компания хабарида таъкидланишича, интерактив хизматларни кенгайтириш бўйича амалга ошириладиган ишларнинг навбатдаги босқичида компания VISA ҳамда Mastercard валюта пластик карталари воситасида чипталар харид қилиш тизимини жорий этишни режалаштирган.
Бундан ташқари, нотариал тасдиқланган ишончнома ҳамда паспортлар ва туғилганлик ҳақидаги гувоҳноманинг асл нусхасини тақдим этиш зарурлиги сабабли вояга етмаган болалар учун МАК сайти орқали чипталарни харид қилиш имконияти мавжуд эмас.
Читайте в свежих номерах
2024, 23 апреля№ 17
- При землетрясениях в новостройках будет автоматически блокироваться подача газа и электричества
- Предоставлять отпуск обязательно
- «О внесении дополнений в Налоговый кодекс Республики Узбекистан в связи с определением мер, направленных на установление взаимовыгодного сотрудничества с субъектами предпринимательства по сокращению бедности» (в извлечениях)
- Как привлекать к работе в выходные и праздничные дни
- В Ташкенте проведут V Параазиатские игры
Если Вы заметили ошибку, выделите фрагмент текста, содержащий ошибку, и нажмите Ctrl+Enter.
footer_copyrights Сайт разработан в ООО «NORMA»
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел.: 78-150-11-72, Call-центр:1172.
Главный администратор: Мосин Константин Васильевич.
Копирование материалов с сайта без согласования с администрацией ресурса запрещено.
© ООО «NORMA», 2007-2024 г. Все права защищены.
Условия использования материалов, размещенных на нашем сайте
