Марказий банк Бошқаруви қайта молиялаштириш ставкасини жорий йилда йиллик 14% даражасида сақлаб қолиш тўғрисида қарор қабул қилди.
Фискал ва ташқи омилларнинг пул массаси динамикасига бўлган кучли таъсири шароитида қайта молиялаштириш ставкасининг ўта ошиб кетиши реал сектордаги ишбилармонликнинг фаоллашуви ва инвестициявий жараёнларга салбий таъсир кўрсатган ҳолда кутилган натижаларни бермаслиги мумкин.
Шундан келиб чиқиб, Марказий банк Бошқаруви қайта молиялаштириш ставкасини жорий йилда йиллик 14% даражасида сақлаб қолиш тўғрисида қарор қабул қилди.
Банк секторида ликвидликнинг керагидан ошиб кетиши ва унинг ҳажмлари ниҳоятда ўсиб кетиши юзага келган тақдирда, шунингдек монетар омиллар томонидан потенциал инфляцион таваккалчиликлар кучайганда Марказий банк пул-кредит сиёсатининг инфляцияга қарши курашиш йўналишини кучайтириш бўйича қўшимча чора-тадбирларни, шу жумладан, тижорат банклари томонидан мажбурий захиралаш тартибига тегишли ўзгартиришлар киритиш йўли билан ҳам амалга оширади.
