«Ўзстандарт» агентлиги томонидан O’zDSt 3296:2018 Давлат стандарти тасдиқланди.
«Туристик хизматлар. Меҳмонхоналар ва бошқа жойлаштириш воситалари. Таснифлаш тизими».
2018 йилнинг 1 августидан бошлаб стандарт талаблари меҳмонхона хизматларини кўрсатадиган ташкилотларни сертификатлаш ва инспекцион назорат қилиш учун мажбурий бўлади, деб хабар беради Туризмни ривожлантириш давлат қўмитаси.
Ҳужжат билан жойлаштириш воситаларининг туташ ҳудудлари, бинолари, хоналари, меҳмонхона уйлари, техник ускуналари ва жиҳозлари, ходимлари, ахборот таъминоти, хизматларига талаблар белгиланди.
Ўз кучини йўқотаётган ГОСТ 28681.4.-95 дан фарқли равишда, янги стандарт нафақат меҳмонхоналар ва мотеллар, балки апартотель, апартаментлар (резиденция) комплекси, люкс хонали меҳмонхоналар, спа-меҳмонхоналар, бутик-отеллар ва бошқа шунга ўхшаш жойлаштириш воситаларини ҳам таснифлашни ҳисобга олади.
