Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Задайте вопрос по НК в новой редакции заместителю министра финансов Дильшоду СУЛТАНОВУ - читать на buxgalter.uzКто отвечает за ЭЦП, если ею пользуются многие - читать на buxgalter.uzДо конца января нужно сдать четыре отчета и уплатить налоги - читать на buxgalter.uzСтоимость аренды госимущества в Ташкенте в 2020 году предлагается поднять в 1,5 раза - читать на buxgalter.uzКак работать с ЕНСТ? Продолжаем отвечать на актуальные вопросы - читать на buxgalter.uzРеестры онлайн–ККМ опубликованы, но переход на них снова откладывается - читать на buxgalter.uzКак уплачивать и отчитываться по налогу на прибыль в 2020 году - читать на buxgalter.uz

«MUIC» резидентлари мажбурий аудиторлик текширувидан ўтадилар

14.03.2018

Ахборот технологияларини ишлаб чиқиш ва жорий қилишни қўллаб-қувватлаш бўйича «Mirzo Ulugbek Innovation Center» инновация маркази аъзолари 1 июлга қадар аудиторлик текширувидан ўтишлари ва аудиторлик хулосасининг нусхасини марказ Дирекциясига юборишлари шарт.  

 

«Аудиторлик фаолияти тўғрисида»ги Қонуннинг 10-моддасида мажбурий аудиторлик текширувидан ўтадиган ташкилотлар рўйхати келтирилган. Булар – акциядорлик жамиятлари, банклар, суғурта ташкилотлари, фондлар, давлат корхоналари, биржалар.

 

Мазкур моддага охирги вақтларда ўзгартиришлар киритилмаганлигига қарамай, бундай ташкилотлар рўйхати кенгайтирилди.  

 

Ўтган йили Мирзо Улуғбек Инновация маркази резиденти мақомини олган хўжалик юритувчи субъектлар ҳақида сўз юритилмоқда. Булар ахборот технологиялари соҳасида хизматлар кўрсатиш ва маҳсулот ишлаб чиқариш билан шуғулланадиган ташкилотлардир.

 

Ахборот технологияларини ишлаб чиқиш ва жорий қилишни қўллаб-қувватлаш бўйича «Mirzo Ulugbek Innovation Center» инновация маркази тўғрисида низом (15.08.2017 йилдаги 63-сон ВМҚга 2-илова) билан Инновация маркази резидентларининг мажбуриятлари белгиланди. Улар қаторида молия-хўжалик фаолиятининг мажбурий аудити ҳам бор, аудит ҳар йили ҳисобот йилидан кейинги йилнинг 1 июлига қадар ўтказилиши лозим.

 

Аудиторлик хулосасида олинган тушум ва юридик шахс томонидан амалга оширилган фаолият Низомда назарда тутилган фаолият турларига мувофиқлиги ҳақидаги хулосалар келтирилиши керак.

 

Аудиторлик хулосасининг нусхаси Инновация маркази Дирекциясига юборилади.