UzCard 2018 йилнинг 1 январидан бошлаб DUET карталари бўйича транзакциялар ўтказишни тўхтатади. Бу ҳақда Ягона Умумреспублика процессинг маркази (ЯУПМ) хабар беради.
Хабарда қайд қилинишича, жорий йилнинг 3-чораги мобайнида DUET (“оффлайн”) карталар орқали 16,3 млрд сўмлик 14 мингдан бироз ортиқ транзакциялар ўтказилган. Кўрсаткичлардан келиб чиқиб, ушбу карталар бўйича транзакцияларни тўхтатиш эълон қилинди.
Худди шу даврда электрон тижорат бўйича якуний маълумотлар умуман Ўзбекистонда бундай операциялар сони шу йилнинг 2-чорагига нисбатан камайиб, 220 млн. транзакцияни ташкил этганини кўрсатади, бу ўтган йилнинг шу даврига нисбатан 182,4%га кўпдир, унда 77,9 млн. транзакциялар қайд этилганди.
3-чоракда электрон тижорат бўйича транзакцияларнинг жами суммаси 13,4 трлн. сўмни ташкил қилиб, ўтган йилнинг шу даврига нисбатан 228,4%га ошган (4,08 трлн. сўм).
3-чорак мобайнида Ўзбекистонда 1,4 млн. пластик карта чиқарилиб, бу 2-чоракка (908,210 минг бирлик) қараганда 54,2%га кўп демакдир.
