Ушбу режалар ҳақида Сенатнинг мажлисида Бош вазир ўринбосари-молия вазири Ж.Қўчқоров маълум қилди. Ахборот ЎзА томонидан тарқатилди.
Хусусий ташишлар билан шуғулланиш истагида бўлган фуқаролар якка тартибдаги тадбиркор сифатида рўйхатдан ўтиб (патент олиб), лицензияни расмийлаштириб ўриндиқ жойлари 4 йўловчидан ортиқ бўлмаган автотранспортда йўловчи ташиш
билан шуғулланишлари мумкин.
Эслатиб ўтамиз, Автомобиль транспортида йўловчиларни ҳамда юкларни шаҳарда, шаҳар атрофида, шаҳарлараро ва халқаро йўналишлар бўйича ташиш фаолиятини лицензиялаш тўғрисида низомга биноан тадбиркорлик фаолиятининг ушбу тури билан фақат юридик шахслар (компаниялар) шуғулланиши мумкин.
