Пенсияни почтачилар тарқатмайди

Ҳужжат билан Халқ банки бутун республика бўйича пенсия ва нафақалар тўлаш бўйича ягона ваколатли банк этиб белгиланди. «Ўзбекистон почтаси» АЖ ушбу функцияни босқичма-босқич банкнинг махсус бўлимларига топширади.

Бу пенсионерлар учун пенсия олишда ноқулайликлар келиб чиқади, дегани эмас. Банкларнинг махсус бўлимлари фуқаролар йиғинлари бинолари ёки пенсионерлар маблағларни олиши қулай бўлган бошқа биноларда очилади. Бунда мустақил ҳаракатлана олмайдиган ва махсус кассаларда уларни ололмайдиган шахсларга пенсия ва нафақалар Халқ банки томонидан бевосита уларнинг яшаш жойи бўйича олиб бориб топширилади.

Тизим узлуксиз ишлаши учун Марказий банк Халқ банкини нақд пул билан таъминлаб туради, Халқ банкининг ўзида эса ўз инкассация хизмати  тузилади. Бунинг учун 590 та «Дамас» русумли автомобиллар сотиб олинади.