Тошкент шаҳар ҳокими 25 октябрдан бошлаб иситиш мавсумини бошлаш юзасидан фармойиш берди, деб хабар берди пойтахт ҳокимлиги матбуот хизмати.
Иситиш мавсумига ўтиш икки босқичда амалга оширилади:
I - ижтимоий соҳа объектларида (мактабгача таълим, халқ таълими ва соғлиқни сақлаш муассасаларида);
II - кўп қаватли уй-жойлар ва маъмурий биноларда.
Иситиш мавсумига ўтишни 30 октябрь кунига қадар якунлашни режалаштиришмоқда.
Агар иссиқлик таъминоти ёқилиши жараёнида муаммолар юзага келса, Тошкент шаҳар ҳокимлиги қошидаги Коммунал хизматлар бошқарув марказининг 1055 қисқа ва/ёки 71 210-01-87 рақамлари орқали мурожаат қилиш мумкин.
