Олий Мажлис Қонунчилик палатасининг қарорига мувофиқ, Тошкент вилоятининг Зангиота тумани ва Тошкент шаҳрининг Сергели тумани ҳудудлари қисман ўзгартирилади. Бу ҳақда “Юксалиш” умуммиллий ҳаракатининг Telegram-каналида хабар берилди.
Хусусан, Ўзгариш қишлоғи пойтахтнинг Сергели тумани таркибига ўтказилади. Ҳудуд ўз ичига 3 та маҳаллани олади: Пастдархон, Юқоридархон, Тошкент. Ўтказилаётган ҳудуднинг умумий майдони 428 гектар, шундан:
- қишлоқ хўжалиги ерлари - 111,1 га;
- аҳоли хонадон ости ерлари - 102,8 га;
- қурилишлар, кўчалар, саройлар ва майдонлар билан банд ерлар - 134,8 га;
- сувости, йўл ости ва бошқа ерлар - 78,4 га.
Кўрсатилган ҳудудларда яшайдиган аҳолининг умумий сони - 5 824 нафар, хонадонлар сони - 893 та.
