Вазирлар Маҳкамасининг 24.02.2026 йилдаги 77-сон қарори билан Қишлоқ хўжалигига мўлжалланган ер участкаларини иккиламчи ижарага бериш тартиби тўғрисидаги низомга (Вазирлар Маҳкамасининг 24.11.2021 йилдаги 709-сон қарори билан тасдиқланган) ўзгартириш ва қўшимчалар киритилди.
Ўзгартириш ва қўшимчаларга кўра, иккиламчи ижара шартномаларини тузиш ва уларни давлат рўйхатидан ўтказиш 2 та йўналишда амалга оширилади:
1) Давлат хизматлари марказлари ёки ЯИДХП орқали қоғоз ҳужжат шаклида тузилган шартномаларни давлат рўйхатидан ўтказиш. БҲМнинг 7%и миқдорида йиғим ундирилади;
2) "Рақамли қишлоқ хўжалиги" платформасида (Агропортал) ижарага олинадиган ер участкаларини танлаш, электрон шартномаларни расмийлаштириш ва давлат рўйхатидан ўтказиш. БҲМнинг 50%и миқдорида тўлов амалга оширилади.
Иккиламчи ижара шартномасини давлат рўйхатидан ўтказиш ижарага олувчининг 3 иш куни ичида юборган мурожаатига асосан амалга оширилади (Илгари ижарага берувчи мурожаат қилган ва БҲМнинг 5%и миқдоридаги тўловни амалга оширган).
Ҳужжат Қонун ҳужжатлари маълумотлари миллий базасида эълон қилинган ва 25.02.2026 йилдан кучга кирди.
Сардор Жумашов
