Президент 2.02.2018 йилда тегишли фармонни имзолади. Мудофаа вазирлиги вакили уни қўллаш тартибини тушунтириб берди.
ЎзАда жойлаштирилган ҳужжатга шарҳда айтилишича, сафарбарлик чақируви резерви хизмати учун махсус ҳисобвараққа тўланадиган пул бадали 5 февралдан бошлаб ЭКИҲнинг 20 бараварини (бугунги кунда бу - 3 444 800 сўм) ташкил этади. Илгари у ЭКИҲнинг 27,5 бараварини (яъни 4 736 600 сўмни) ташкил этган.
Бу – муҳим! Махсус ҳисобвараққа 5.02.2018 йилгача ўтказилган маблағлар бўйича ҳосил бўлган тафовут қайтарилмайди.
Таҳририятдан. СЧРдаги хизмат 12.12.2002 йилдаги 436-II-сон “Умумий ҳарбий мажбурият ва ҳарбий хизмат тўғрисида”ги Қонун, Ўзбекистон Республикаси фуқароларининг сафарбарлик чақируви резервида хизматни ўташи тартиби тўғрисида низом (22.02.2003 йилдаги 99-сон ВМҚ), шунингдек айрим бошқа ҳужжатлар билан тартибга солинади.
