Парламентнинг юқори палатаси Кенгаши 18 июнь куни бу ҳақда қарор қабул қилди.
Кун тартибига: янги таҳрирдаги “Туризм тўғрисида”ги, “Шахсга доир маълумотлар тўғрисида”ги, “Ўзбекистон Республикасининг Ҳисоб палатаси тўғрисида”ги, “Қурол тўғрисида”ги, “Халқаро меҳнат ташкилотининг 1930 йилдаги Мажбурий меҳнат тўғрисидаги 29-сонли Конвенциясига Баённомани (Женева, 2014 йил 11 июнь) ратификация қилиш ҳақида”ги бир қатор қонунлар киритилган.
Шунингдек, сенаторлар Навоий вилоятининг Навоий шаҳри ва Кармана тумани чегараларини ўзгартиришни кўриб чиқадилар, Сирдарё вилояти ҳокимининг ҳудудларни ривожлантириш ҳамда халқ депутатлари маҳаллий Кенгашлари фаолияти ҳақидаги ҳисоботини эшитадилар, парламент сўровлари билан боғлиқ масалаларни муҳокама қиладилар.
Ялпи мажлисда Сенатнинг ваколатларига тааллуқли бошқа масалалар ҳам муҳокама қилинади.
Олий Мажлис Сенати материаллари асосида.
