«UZCARD» банклараро тўлов тизими «СМС-хабарлаш хизматини масофадан туриб ўчириш – STOP 1» янги сервисини жорий этди.
Уяли алоқа компанияси рақамдан илгариги эгаси уч ой давомида фойдаланмагандан кейин рақамни янги эгасига берганда ушбу сервисдан фойдаланилади.
Энди уяли алоқа операторлари илгари фойдаланилган рақамни янги эгасига беришдан олдин «UZCARD»га «СМС-хабарлаш» хизмати кўрсатишни тўхтатишни илтимос қилиб, рақам тўғрисидаги ахборотни жўнатадилар.
Шунингдек тўлов иловаларига фойдаланувчиларнинг сир сақланадиган маълумотларидан фойдаланишда хавфсизлик талабларини ошириш тавсия этилади. Рақамнинг янги эгаси аввалги эгасининг воситаларидан фойдалана олмаслиги учун улар биринчи навбатда эски эгасининг маълумотларини ўчиришлари зарур.
«СМС-хабарлаш хизматини масофадан туриб ўчириш – STOP 1» хизмати карталарни тутувчиларнинг маблағлари хавфсиз сақланишини таъминлайди.
