Энди ЯИДХПда «Давлат солиқ қўмитаси томонидан рўйхатдан ўтказиш ва солиқ тўловчининг идентификация рақамини бериш тўғрисида гувоҳнома» шакллантирилиши мумкин.
Давлат солиқ қўмитаси «Жисмоний шахсларни ҳисобга олиш ва ҳисоб маълумотларини ўзгартириш» хизматини тақдим этмоқда. Сўров нотўғри тўлдирилган ҳолдагина рад жавоби берилиши мумкин.
У қандай ишлайди? Фойдаланувчи – жисмоний шахс:
1. Керакли опцияни танлайди (ҳисобга олиш ёки ҳисоб маълумотларини ўзгартириш).
2. Аризанинг электрон шаклини тўлдиради.
3. Сканерланган паспорт нусхасини қўшиб қўяди.
4. Аризани асосий яшаш жойидаги (прописка қилинган жойдаги) Давлат солиқ инспекциясига жўнатади.
5. Давлат солиқ хизмати органларида ҳисобга олинганлиги тўғрисидаги гувоҳномани 3 кун ичида аризада кўрсатилган электрон почта орқали олади.
