Click тўлов тизими ичига ўрнатилган бот (inline bot) ишга туширилганлигини маълум қилди, унинг ёрдамида Telegram-чатда суҳбатдошлар карталари ўртасида маблағларни ўтказиш мумкин.
Хабарда қайд қилинишича, ўтказишни амалга ошириш учун 2 нафар инсон ўртасидаги чатда @clickuz ни териш ва бўш жойдан кейин ўтказиладиган суммани кўрсатиш зарур. Шундан кейин бот маблағларни ўтказиш ёки суҳбатдошдан мазкур суммани сўрашни таклиф қилади. Операцияни тугатиш учун тугмани атиги икки маротаба босиш кифоя.
Янги хизматни оммалаштириш учун компания махсус видеоролик яратди, унда маблағларни ўтказиш тартиботи босқичма-босқич кўрсатилади.
Пул ўтказишнинг энг кам миқдори 5 000 сўмни ташкил қилади ва операцияни муваффақиятли ўтказиш учун иккала суҳбатдош ҳам @clickuz ботида рўйхатдан ўтган бўлиши керак.
