Неверный логин или пароль
x
На ваш почтовый ящик отправлены инструкции по восстановлению пароля
x

«Ўзбекистон ҳаво йўллари» қишки парвозларни бошлади

31.10.2017

«Ўзбекистон ҳаво йўллари» МАК 29 октябрдан қишки жадвал бўйича қатновларни бошлади, деб маълумот берилган компаниянинг расмий сайтида.

 

Қишки парвозлар жадвали 2018 йилнинг 24 мартига қадар амал қилади. Қишки даврда авиакомпания эҳтиёж катта бўлган бир қатор йўналишларга қатновлар сонини оширади. Шунингдек, “Самарқанд” аэропортидан бажариладиган парвозлар географиясини кенгайтиради.

 

Жадвалдаги эътиборга лойиқ янгилик эса – Самарқанд-Истанбул-Самарқанд йўналиши бўйича йўлга қўйилган қатновдир. Самарқанддан Туркияга қатновлар 30 октябрдан бошлаб душанба кунлари мунтазам амалга оширилади. 16 ноябрдан эса пайшанба кунлари ҳам бажарилиши кўзда тутилган.

 

Амритсарга (Ҳиндистон) парвозлар сони – ҳафтада икки маротаба бажариладиган бўлди, Сеулга қатновлар сони эса ҳафтасига беш маротабага етказилади. 

 

Авиакомпания юк ташувчи йўналишларни фаол ривожлантирмоқда. “Навоий” халқаро аэропортидан Boeing 767 юк самолётлари Франкфурт, Деҳли, Дубай, Шанхай шаҳарларига мунтазам қатнамоқда. Бундан ташқари, Гуанчжоу (Хитой) шаҳрига янги йўналиш очилди.

 

Эслатиб ўтамиз, Миллий авиакомпания дунёнинг 23 мамлакатига 52 йўналиш бўйича қатновларни амалга оширмоқда.

В этой теме действует премодерация комментариев.
Вы можете оставить свой комментарий.

info! Оставляя свой комментарий на сайте, Вы соглашаетесь с нашими Правилами их размещения.
Гость_

Курс валют

2018-08-14
  • USD:7790.20 (+7.15) сум
  • EUR:8888.62 (--114.03) сум
  • RUB:115.07 (--7.89) сум