«ORIAT» компаниялар гуруҳи реклама ва медиа бозорида 1996 йилдан бери фаолият юритади. Сирасини айтганда, у мамлакатимизда билбордлардаги ташқи реклама форматининг кашшофи саналади.
“ORIAT” реклама агентлиги нафақат Тошкент шаҳри, балки бутун Ўзбекистон бўйлаб реклама хизматлари кўрсатувчиларнинг етакчилари қаторига киради.
“ORIAT” РА – Канн ва Москвада ўтказиладиган халқаро фестивалларнинг доимий иштирокчиси бўлиб, бир неча маротаба совринларни қўлга киритган.
2000 йилнинг 17 декабридан бери «ORIAT Dono» (ўзбек тилидаги эфир) радиостанцияси муваффақият билан фаолият кўрсатиб келмоқда, 2002 йилнинг 5 январидан эса FM-майдонида янги тўлқин – «ORIAT FM» (рус тилида эфирга узатилади) янграй бошлади.
Радиоканаллар эфирларида ҳар куни интерактив викториналар, кўнгилочар рубрикалар, турли мавзулардаги ток-шоу ҳамда ижтимоий-таҳлилий дастурлар узатилади.
Ҳаммаси қандай бошлангани ҳақидаги хотиралари билан «ORIAT» компаниялар гуруҳи бошқарув раиси Шуҳрат Юлдашев ўртоқлашди.
