Ягона умумреспублика процессинг маркази ушбу хизматни тўлдириб, мукаммаллаштирди.
Овердрафт тақдим этишга доир янги функциялар олдиндан, бир кун аввал кредит сўраб мурожаат қилиш заруратини истисно этади. Бироқ банк билан шартнома тузишга тўғри келади.
«Онлайн – овердрафт» хизмати банкларга Ягона умумреспублика процессинг маркази томонидан тақдим этилган маълумотлар асосида унинг кўрсатилишига доир батафсил статистикани юритиш имконини ҳам беради.
Овердрафт-кредит шартлари банк ва ушбу хизматдан фойдаланувчи ўртасида тузиладиган шартномада қайд этилади.
Эслатиб ўтамиз, 2017 йилда Марказий банк Жисмоний шахсларга банк пластик карточкаси орқали овердрафт кредити бериш тартиби тўғрисидаги низомни тасдиқлаган (шарҳга қаранг).
