ЯИДХПда (my2.gov.uz) «Юридик шахслар, жисмоний шахслар ҳамда якка тартибдаги тадбиркорларнинг солиқ қарзи мавжуд эмаслиги тўғрисида маълумотнома» хизмати ишга туширилди.
Хизмат фойдаланувчига мустақил равишда солиқ органларига ташриф буюрмасдан солиқлар ва бошқа мажбурий тўловлар бўйича қарзлар мавжуд эмаслиги тўғрисида маълумотномани шакллантириш ва чоп этиш имконини беради.
Электрон маълумотнома ўзининг ягона рақамига эга бўлиб, талаб этилган исталган жойга тақдим этилиши мумкин. Шунингдек, маълумотнома тақдим этилган орган унинг ҳақиқийлигини бевосита солиқ органларининг маълумотлар базасидан текшириши имконияти мавжуд.
