Сергели туманидаги индустриал технопарк – бу йил Тошкентда амалга оширилиши мўлжалланган инвестиция лойиҳаларидан бири.
100 гектардан зиёд ҳудудда Европа стандартлари бўйича ушбу технопаркни ишга тушириш, бу ерда 10 мингдан ортиқ иш ўрни яратиш режалаштирилган. Бунинг инвесторлар учун қулайлиги шундаки, барча бино-иншоотлар тўлиқ тайёр ҳолда топширилиб, зарур инфратузилма билан таъминланади, дея хабар берилади давлат раҳбарининг расмий сайтида.
Бугунги кунда технопаркни лойиҳалаш ишлари бошлаб юборилган, ҳозирданоқ 85% ер тадбиркорларга ажратиб берилган.
Мутасаддиларга технопаркни тезроқ ишга тушириш, юқори қўшимча қийматли маҳсулотлар ишлаб чиқаришни ривожлантириш бўйича кўрсатмалар берилди.
