« Нақд пул ёки пластикни танлаш – пенсионернинг хоҳиши» — «Пенсия иши» махсус нашрида эълон қилинган материал шундай номланган эди («Норма маслаҳатчи» 8-сони, 2017 йил 21 февраль). Унда «Пенсионер аввалгидек пенсиясини ёки унинг бир қисмини пластик картага олиши учун қаерга мурожаат этиши керак?» — деган саволга жавоб берилган. Жавоб Халқ банкининг бевосита мулоқот хизмати орқали олинди.
- www.norma.uz
- Ҳафта саволи
- Яна пластик ҳақида
Яна пластик ҳақида
23.02.2017
Нашр чоп этиб бўлинганидан кейин таҳририят Молия вазирлиги ҳузуридаги бюджетдан ташқари Пенсия жамғармаси ижроия аппаратининг пенсиялар тайинлаш услубияти бўлими бошлиғи Зафаржон Хўжаевнинг тушунтиришини олди.
Пенсияни ёки унинг бир қисмини нақд пулсиз кўринишда банк пластик карточкасида олиш истагини билдирган пенсионерлардан Президентнинг виртуал қабулхонасига кўп сонли мурожаатлар келиб тушгани муносабати билан 2017 йил 1 мартдан бошлаб пенсионернинг ўзи хоҳиш билдирган ҳолдагина нақд пулсиз кўринишда пенсия тўланишига истисно тариқасида рухсат берилди.
Бунинг учун нақд пулсиз шаклда пенсия олмоқчи бўлган пенсионерлар яшаш жойидаги Пенсия жамғармаси бўлимига тегишли ариза билан мурожаат қилишлари зарур. Банк пластик карточкаси бўлмаганлар аввал тижорат банкларида шартнома расмийлаштиришлари ва уни олишлари, кейин эса яшаш жойидаги Пенсия жамғармаси бўлимига ариза билан мурожаат қилишлари керак бўлади.
Бунда мансабдор шахсларнинг пенсионерларни нақд пулсиз шаклда пенсия олишга мажбурлаш, шунингдек пенсионерларнинг пенсияларни ёки уларнинг бир қисмини олиш шаклини эркин танлашларини чеклаш мақсадида ҳар қандай таъсир ўтказиш ҳолатида («тавсиялар» бериш, ишонтириш ва ҳ.к. йўли билан) шахсан жавобгарликка тортилишига алоҳида эътибор қаратилган.
Читайте в свежих номерах
Если Вы заметили ошибку, выделите фрагмент текста, содержащий ошибку, и нажмите Ctrl+Enter.
footer_copyrights Сайт разработан в ООО «NORMA»
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел.: 78-150-11-72, Call-центр:1172.
Главный администратор: Мосин Константин Васильевич.
Копирование материалов с сайта без согласования с администрацией ресурса запрещено.
© ООО «NORMA», 2007-2026 г. Все права защищены.
Условия использования материалов, размещенных на нашем сайте
