Молия-хўжалик фаолиятини амалга оширмаётган ва қонунчиликда белгиланган муддатларда ўзларининг устав жамғармаларини шакллантирмаган корхоналарни тугатиш тартиби тўғрисидаги Низомга тузатишлар лойиҳаси қонун ҳужжатлари таъсирини баҳолаш тизими порталида жойлаштирилди.
Демак, солиқ органлари банклардан молия-хўжалик фаолиятини амалга оширмаётган корхоналар тўғрисида ахборот олгандан кейин давлат ва бошқа органлар ва ташкилотларга кўчар ва кўчмас мол-мулк, шунингдек бошқа номоддий активлар рўйхатдан ўтказилганлиги тўғрисида сўров беради.
Лойиҳада кўрсатилишича, молия-хўжалик фаолиятини амалга оширмаётган ва қонунчиликда белгиланган муддатларда ўзларининг устав жамғармаларини шакллантирмаган, мол-мулки бўлмаган корхоналар бўйича солиқ хизмати органлари судга уларни банкрот деб топиш тўғрисида ариза билан мурожаат қилади.
Маълумот учун: “Банкротлик тўғрисида”ги Қонуннинг 185-моддаси билан тугатилаётган юридик шахслар банкротлигининг соддалаштирилган тартиботлари ўрнатилган.
Лойиҳа муҳокамада бўлиб, у ўзгартирилиши, тўлдирилиши ёки рад этилиши мумкин.
Олег ЗАМАНОВ,
экспертимиз.