Президентнинг “Норматив-ҳуқуқий ҳужжатлар ва уларнинг лойиҳаларини коррупцияга қарши экспертизадан ўтказишни янада такомиллаштириш чора-тадбирлари тўғрисида”ги қарори лойиҳаси муҳокамага қўйилди.
Норматив-ҳуқуқий ҳужжатларни “коррупциядан холи қонунчилик” тамойили асосида ишлаб чиқиш ҳамда коррупцияга қарши экспертизадан ўтказиш тартибини жорий этиш қуйидагиларни назарда тутади:
- амалдаги норматив-ҳуқуқий ҳужжатларни тўлиқ коррупцияга қарши экспертизадан ўтказиш;
- НҲҲлар ва уларнинг лойиҳаларини коррупцияга қарши экспертизадан ўтказишда жамоатчилик, илмий ташкилотлар ва мустақил экспертларни кенг жалб қилиш;
- норматив ҳужжат лойиҳасини ишлаб чиқишда ишлаб чиқувчи томонидан коррупциявий омилларни аниқлаш бўйича саволнома тўлдирилиши. У мавжуд бўлмаган тақдирда экспертизадан ўтказилмайди, НҲҲ лойиҳалари ишлаб чиқувчиларга қайтарилади.
Ҳужжат билан қуйидагиларни тасдиқлаш режалаштирилмоқда:
- 2021-2026 йилларда амалдаги норматив-ҳуқуқий ҳужжатларни коррупцияга қарши экспертизадан ўтказиш режа-графиги;
- давлат органлари ва ташкилотларининг НҲҲлар ва улар лойиҳаларининг коррупцияга қарши экспертизасини ўтказиш фаолиятини баҳолаш мезонлари.
2022 йилдан бошлаб амалдаги норматив-ҳуқуқий ҳужжатларни коррупцияга қарши экспертизадан ўтказиш режаси Вазирлар Маҳкамаси қарори билан тасдиқланади.
Лойиҳа ўзгартирилиши, унга қўшимча киритилиши ёки рад этилиши мумкин.
Лола Абдуазимова.
