Туристик компанияларга кўпроқ имтиёзлар берилади

Маълумот учун: 1.07.2005 йилдан тўғридан-тўғри хусусий хорижий инвестицияларни жалб этадиган ва  Фармонда белгиланган мезонларга жавоб берадиган корхоналар солиқ имтиёзларидан фойдаланади.

Мавжуд бўлган имтиёзлар мамлакатда ишлаб чиқарилмайдиган ва меҳмонхоналарни қуриш ва реконструкция қилиш учун олиб келинадиган технологик асбоб-ускуналар, қурилиш техникаси, эҳтиёт қисмлар ва бутловчи буюмларни божхона тўловларидан озод этиш (божхона расмийлаштируви учун йиғимлар бундан мустасно) ҳисобига кенгайтирилади.

Бунда туристик бизнес объектларини (меҳмонхона ва туристик кўнгилочар мажмуалар; умумий овқатланиш шохобчалари тармоғи; курортлар, санаторийлар, йўлбўйи инфратузилмалари комплекс объектлари ва сервислар) солиқ ва божхона имтиёзлари (Президентнинг 11.04.2005 йилдаги ПФ–3594-сон Фармонига илова) татбиқ этиладиган иқтисодиёт тармоқлари рўйхатига киритиш таклиф этилган.

Эслатиб ўтамиз, муайян имтиёзлар ишлаб чиқилган Ўзбекистонда туризмни ривожлантириш Концепциясида акс этган бўлиб, у ҳам ҳозирда лойиҳа босқичидадир.

Лойиҳа муҳокама босқичида бўлиб, ўзгартирилиши, қўшимчалар киритилиш ёки рад этилиши мумкин.

Олег ЗАМАНОВ,
экспертимиз.