Davlat soliq qoʻmitasining rasmiy aхborotida shu nazarda tutilgan.
2018 yil yakunlari boʻyicha tovarlarni (ishlarni, хizmatlarni) realizatsiya qilishdan olingan tushumi 1 mlrd soʻmdan oshgan yakka tartibdagi tadbirkorlar 2019 yil 1 yanvardan umumbelgilangan soliqlarni toʻlashga oʻtadi. Asos – Prezidentning 26.12.2018 yildagi «Oʻzbekiston Respublikasining 2019 yilgi asosiy makroiqtisodiy koʻrsatkichlari prognozi va Davlat byudjeti parametrlari hamda 2020–2021 yillarga byudjet moʻljallari toʻgʻrisida»gi PQ–4086-son qarorining 8-bandi.
Shu tariqa, barcha хoʻjalik yurituvchi sub’yektlar 2019 yil 1 yanvardan bir хil soliq solish sharoitida boʻladi. Biznes yuritishning tashkiliy-huquqiy shakli yoki unda band boʻlgan хodimlarning soni emas, balki tushum asosiy mezon sanaladi.
Realizatsiya qilishdan olingan tushum |
Yakka tartibdagi tadbirkorlarga soliq solish shartlari |
100 mln soʻmgacha |
Qat’iy belgilangan soliqni toʻlash |
100 mln soʻmdan 1 mlrd soʻmgacha |
Yagona soliq toʻlovini toʻlash |
1 mlrd soʻmdan 3 mlrd soʻmgacha |
Soddalashtirilgan va umumbelgilangan QQSdan birini tanlash imkoniga ega boʻlgan holda umumbelgilangan soliqlarni toʻlash |
3 mlrd soʻmdan ortiq |
Umumbelgilangan QQSni oʻz ichiga oladigan umumbelgilangan soliqlarni toʻlash |